طريقة عمل كفتة الحاتي
241
100 دقائق
مقادير كفتة الحاتي
- 3/4 كيلو لحمة حمراء مفروم بدون دهن
- 1/4 كيلو لحم ضاني مفروم بنسبه دهن
- 1 بياض بيضة
- 3 ملاعق نشا
- 1/2 ملعقة كبيرة بيكنج بودر
- بقدونس مفروم إختياري
- تفل بصله مفرومه وسط
- ملح
- فلفل اسود
- 1 ملعقة صغيرة بهارات لحمه
- 1 ملعقة كبيرة صوص باربكيو
طريقة كفتة الحاتي
-
في وعاء، ضعي عصير البصل هنضيفلها ملعقة صوص الباربكيو و شويه زيت و ملح و فلفل و هنصبع بيها الكفته.
-
هنخلط نوعين اللحمه مع بعض و عليهم النشا و البيكنج بودر و بياض البيضه و البقدونس و التوابل و تفل البصل.
-
نعجن اللحمة مع بعضها كويس مع التوابل والبهارات.
-
ندخل عجينة الكفتة الثلاجة لمدة ساعة عشان ترتاح.
-
نخرج الكفتة من الثلاجة ونصبعها علي سيخ مع إستخدام ماية البصل اللى أتعملت في أول خطوة.
-
ندخل الكفتة في الفرن في صينينه مدهونه سمنه أو علي الشوايه في درجة حرارة متوسطة.
-
خرجى الكفتة من الفرن وقدميها ساخنة مع الطحينة والخبز والسلطات وبالهنا والعافية.
طريقة عمل كفتة الحاتي زي المحلات، يقدم لكم مطبخ ست بيت كفتة الحاتي بكل أسرارها، ومكونات وطريقة عمل كفتة الحاتى على طريقة أشهر الشيفات مثل فاطمة أبو حاتي وناديه السيد.
نصائح لنجاح الكفتة
- ممكن أستبدال اللحم الضاني بربع كيلو دوش من الجزار مفروم مع اللحمه.
- الدوش ده عبارة عن دهون صلبه مش بتسيح بسرعه علي النار و دي ميزتها ان الكفته متكشش (حجمها ميقلش).
- بياض البيض سر التماسك و الطريان كله للكفتة.
بواسطة :
ريم حسن 2023-01-31 16:41:23
تعليق وتقييم (1)
رد
المقادير والخطوات واضحة وهجربها فى البيت