طريقة عمل طاجن العكاوي البرنس
426
120 دقائق
مقادير طاجن العكاوي البرنس
- 1 كيلو عكاوي مٌقطعة إلى حلقات
- 5 حبات حبهان
- 5 حبات ورق لورى
- 1 بصلة كبيرة مفرومة
- ملح
- فلفل
- زيت
- سمنة
- مقادير الطشة:
- طماطم مٌقطعة مكعبات
- ثوم مفروم
- فلفل حار مٌقطع حلقات
- 1 معلقة كبيرة خل
- عصير ليمونة
- 1/2 معلقة شطة
خطوات عمل طاجن العكاوي البرنس
-
تغسلي العكاوي كويس وتقطعيها قطع وتشيلي منها الجزء الدهني.
-
تحطي ميه في حلة وتحطي فيها الحبهان وورق اللورى وفلفل أسود والبصل المفروم.
-
تسيبيهم يغلوا وبعدين تضيفي العكاوي وتسيبيهم لحد ما يستوا مدة كافية.
-
تصفي العكاوي من الشوربة وتحطيها في الطاجن.
-
في طاسة تجيبي الجزء الدهني من العكاوي وتقلبي وصيفي ليه البصل المفروم والفلفل والتوابل ونسيبهم خمس دقايق لحد ما البصل يدبل.
-
في طاسة تانية شوحي التوم مع السمن أو الزيت لحد ما يبقى دهبي وصيفي ليه مكعبات الطماطم تتسبك.
-
تضيفي الفلفل والشطة والخل والليمون وتقلبي لحد ما تتسبك.
-
تجيبي الطاجن وتحطي فيه البصل وبعدين العكاوي وحطي كوب من المرقة والطشة بالتساوي.
-
تغطي طاجن العكاوي وتدخليه الفرن لحد ما يستوي، ولما يخرج يتقدم طاجن العكاوي سخن وبالهنا والعافية.
قدمنا طريقة عمل العكاوي مثل أفخم المطاعم، بمكونات بسيطة تقدري تحضري طاجن عكاوي سهل وسريع، نتمنى أن تنال طريقة عمل طاجن العكاوي إعجابكم ولا تنسوا مشاركة تطبيقاتكم للوصفة معنا من خلال التعليقات في الأسفل.
تعليق وتقييم (1)
رد
المقادير والخطوات واضحة وهجربها فى البيت