طريقة عمل الكريب نادية السيد


طريقة عمل الكريب الحادق بطريقة ناديه السيد، موقع ست بيت بيقدملكم طريقة الكريب الحادق مكتوبة والنتيجة مٌبهرة بالظبط زي المحلات وأحسن.

الكريب

1954

50 دقائق

مقادير الكريب

  • 2 كوب ماء
  • 2 كوب حليب
  • 1 بيضة
  • 3 1/2 كوب دقيق
  • ملح
  • فلفل أسود
  • 1/4 كوب زيت
  • 1/4 ملعقة سكر
  • لحشو الفاهيتا:
  • 3 حبات فلفل ألوان
  • 1 بصلة
  • 2 فص ثوم مهروس
  • 2 ليمون معصورين
  • 2 صدر دجاج بانيه
  • 1 ملعقة صغيرة ثوم بودر
  • 1 ملعقة صغيرة بصل بودر
  • 1 ملعقة كبيرة كمون
  • 1 ملعقة كبيرة شطة
  • 1 ملعقة كبيرة بابريكا
  • 1 ملعقة صغيرة كزبرة مطحونة
  • 1 ملعقة صغيرة من بزور الفلفل الأحمر
  • 1 ملعقة كبيرة من السكر
  • 1 ملعقة كبيرة من النشا

خطوات عمل الكريب

  1. لعمل عجينة الكريب، نخفق البيضة بمضرب يدوب، ونضيف لها كوبين من الماء ونقلب، نضيف كوب ونصف من الحليب ونقلب.

  2. نضيف رشة من الملح، ورشة من الفلفل الأسود، ونقلب، وبعدين نضيف ثلاث أكواب ونصف الكوب من الدقيق بالتدريج كوب تلو الكوب ونقلب.

  3. أنا نقصت نصف كوب حليب عشان كل نوع دقيق بيختلف عن التانى ممكن تحتاجي النصف كوب وممكن نستغني عنه على حسب القوام، ونوع الدقيق اللى انا بستخدم هيحتاج النصف كوب.

  4. نضيف ربع كوب من الزيت أو الزبدة السايحة ، ربع ملعقة من السكر، ونقلب، وبعدين نصفي عجينة الكريب بمصفاه عشان التكتلات.

  5. نغطي الخليط بكيس مطبخ، ونتركه في التلاجة (يٌفضل) ليلة كاملة أو على الأقل قبلها بساعة.

  6. لعمل الفاهيتا، نقطع الفلفل الألون، والبصلة، وننظف صدرين الفراخ جيداً ونزيل الزوائد الدهنية ونقسم كل صدر نصفين طولياً عشان نقلل السمك، ونشفهم جيداً من الماء، ونتبل الفراخ بتتبيلة الفاهيتا.

  7. في طاسة على النار، نضع كمية قليلة من الزيت، وننزل بصدور الدجاج المٌتبلة ببهارات الفاهيتا، ونسوى الدجاج على نار متوسطة لمدة سبع دقائق تقريباً لكل جانب.

  8. نخرج الدجاج بعد ما يستوى، ونقطعه شرائح، ونتركه على جنب.

  9. بإستخدام الزيت اللى سوينا فيه الدجاج، نصفيه جيداً، ونرفعه على النار وننزل عليه بالفلفل الألوان والبصلة لحدما يدبلوا، نضيف لهم الفاهيتا وفصين ثوم مهروسين، ونقلبهم مع بعض جيداً، وبعدين نضيف عصير الليمونتين ونقلب.

  10. في طاسة تيفال غير لاصقة، نضع القليل من الزيت تكفي لدهان الطاسة فقط، بمعيار معين نبدأ ننزل بعجينة الكريب بعد ما نسخن الطاسة على خفيف.

  11. المعيار يكون مناسب لحجم الطاسة، أنا بستخدم طاسة مقاس 25 أو 24 سم، هيكون المعيار نصف كوب من خليط الكريب، ونسوى الكريب.

  12. بعد إنتهاء كمية العجينة أو الخليطر نخرج الكريب ونرصه فوق بعضه ونغطيه بقماشة.

  13. لحشو الكريب، نفرد الحبة الواحدة من الكريب، ونطبقها كل نصف على الأخر، وبأى صوص عندكم نعمل مثلث بالكاتشب والمايونيز مثلاً، ونضع فيها كمية من فاهيتا الدجاج، وبطاطس محمرة، رشة جبنة موتزاريلا، ومايونيز فوق كل دا، ونلم الطرف اليمين على أخر الحشوة يعنى نغطي الحشوة، ونلم الطرف التاني بحيث يدينا شكل مثلث.

  14. نكرر نفس الخطوة السابقة حتى تنتهي كمية العيش، ممكن تنوعي في الحشو على مزاجك، الصوصات المٌفضلة عندك، ممكن بطاطس محمرة وجبنة موتزاريلا وزيتون وجبنة امريكي، أى حشوة تحبيها.

  15. نرص الكريبات في صينية ونغطيها، وفي طاسة فيها شوية زيت نرص الكريب ونحمره عشان الجبن تسيح ويبقى مقرمش شوية ودا حسب رغبتكم.

  16. وكدا نكون عملنا الكريب المالح بحشوة الفاهيتا وبالهنا والعافية.


نصائح الشيف نادية السيد لنجاح الكريب

  • الحليب بيطري الكريب والماء بينشفه انا عملت معادله مابينهم علشان يناسب كل الاذواق وبالتحمير بينشف.
  • بس اللي حابه طري خالص الكميه كلها تكون حليب واللي حابه ناشف خالص الكميه كلها تكون ماء ونزود معلقه لبن بودره للنكهه‬.
  • للحشو عموما، بطاطس محمره، جبنه موتزاريلا، فلفل ألوان، زيتون.

بواسطة : نسمة طاهر    2023-12-02 20:55:47

تعليق وتقييم (0)

تقييم الوصفة