طريقة عمل تتبيلة السمك ناديه السيد

1. في وعاء الخلاط ، ضعي فصوص الثوم بعد تقشيرها مع البقدونس (الورق فقط) ، الفلفل الرومي الأخضر وممكن تستخدمي ميكس نصف حبة فلفل رومي أخضر مع نصف حبة فلفل رومي أحمر ، الكزبرة ، الكمون ، الملح ، الفلفل الأسود ، البابريكا وعصير الليمون.

2. نضرب مكونات تتبيلة السمك مع بعضها في الخلاط لمدة نصف دقيقة.

3. أحضري قطع السمك الفيليه وضعيها في التتبيلة وغطيها بكيس نايلون وأتركي السمك في التتبيلة مدة ليلة كاملة.

4. خرجي السمك من التتبيلة وغلفيه بالدقيق قبل القلي مباشرة.

5. أنزلي بالسمك في زيت ساخن على نار متوسطة وأقلي السمك لحد ما ياخد اللون الذهبي الجميل وقلبيه على الجنب التاني لحد ما يستوي.

6. خرجي السمك في طبق التقديم وممكن تزينيه بشرائح الليمون وورق البقدونس.

7. قدمي السمك المقلي مع السلطة الخضرا والرز الصيادية وبالهنا والعافية.

طريقة عمل تتبيلة السمك ناديه السيد ، يقدم لكم مطبخ ست بيت طريقة عمل السمك الفيليه وطريقة تتبيل السمك الفيليه للشيف ناديه السيد بخطوات سهلة وبسيطة ومكونات بسيطة ، السمك المقلي يتم تقديمه مع السلطة الخضراء و الأرز الصيادية.

نصائح لنجاح تتبيلة السمك المقلي

• وانتي بتضربي التتبيلة في الخلاط متخليهاش ناعمة أوي خلي فيها حبيبات المكونات زي الصورة كدا.

• 

• غلفي السمك في الدقيق قبل القلي مباشرة يعنى متحطيش السمك في الدقيق وتركنيه فترة.
• الزيت يكون سخن على درجة حرارة متوسطة والزيت ميكونش غزير يكون متوسط.