طريقة عمل الباستا فلورا هبة ابو الخير


الباستا فلورا هبة ابو الخير

591

65 دقائق

مقادير الباستا فلورا هبة ابو الخير

  • 1/2 كوب سكر أبيض ناعم
  • 1 كوب زبدة
  • 2 بيضات
  • 3 1/4 كوب دقيق
  • 2 ملعقة صغيرة بيكنج بودر
  • رشة ملح
  • 1 ملعقة صغيرة فانيليا
  • مربى أى نوع للحشو

خطوات عمل الباستا فلورا هبة ابو الخير

  1. في بولة زجاج، نخلط الدقيق مع البيكنج بودر ورشة الملح، نقلب المكونات الجافة كويس ونتركها على جنب.

  2. في بولة أخرى، نخفق الزبدة مع السكر بمضرب العجان حتى نحصل على قوام كريمي لونه فاتح.

  3. نضيف البيضتين بالتدريج واحدة تلو الأخرى مع الأستمرار في الخفق البطيء، نضيف الفانيليا ونضرب ضربة خفيفة.

  4. ضيفي خليط الدقيق للمكونات السائلة وقلبي بسرعة هادية، وممكن تلم العجينة بمعلقة، بمجرد ما الدقيق يتخلط مع المكونات السائلة وتتشكل العجينة.

  5. نرش سطح بملعقة من الدقيق، ونضع العجينة عليه ونبدا نلم العجينة بالإيد، غلفي العجينة بكيس بلاستيك ودخليها الثلاجة ترتاح لمدة ساعة.

  6. خرجي العجينة من الثلاجة هتكون متماسكة بشكل جيد، قسميها ثلث وثلثين، وغلفي الثلث بالكيس ودخليه الفريزر.

  7. في صينية تارت مقاس 30 أو 28، مدهونة بالزيت، حطي العجينة في منتصف الصينية وأفرديها بإيدك في الصينية كلها، خلي إرتفاع العجينة في الصينية 1/2 سم.

  8. نحاول نخلي أطراف العجينة تقيلة ونرفعها مع أطراف الصينية ونساويها، وبالشوكة نخرم العجينة بشكل عشوائي عشان نخرج الفقعات الهوا والعجينة تكون متساوية.

  9. أستخدمي أي نوع مربي تحبيه (مربى فراولة أو مشمش أو برتقال) للحشوة، نفرد المربى على العجينة وتكون المربي في درجة حرارة الغرفة.

  10. بعد ما نفرد المربى في العجينة ونساويها كويس لو الجو مش حر ممكن تخلوها على جنب لكن لو في الصيف ممكن تحطوها في الثلاجة لحد ما تشكلى باقي العجينة.

  11. على سطح مستو مرشوش بالدقيق، نخرج ثلث العجينة من الفريزر، نفردها بسمك 1/2 سم، ونرش عليها دقيق من فوق.

  12. ممكن نشكل العجينة دى لأى شكل تحبوه، ممكن الشكل التقليدي للباستا فلورا وهو عباره عن تقطيع العجينة بشكل طولى على هيئة شرائح عريضة شوية، لكن أنا هنا هعملها على شكل نجوم وقلوب بقطاعات على شكل قلب ونجمة.

  13. نخرج الصينية من الثلاجة ونرص علي العجينة المٌشكلة، ونلمع الأشكال بصفار بيضة مخلوط مع ملعقة صغيرة فانيليا وحليب.

  14. دخلى صينية الباستا فلورا في فرن مٌحمى مٌسبقاً على درجة حرارة 170 على الرف الأوسط لمدة 30 دقيقة.

  15. شغلي النار من تحت الأول فقط لحد ما تلاحظي أن الأطراف أخدت اللون الذهبي الجميل، شغلي الشواية من فوق عشان تاخد لون ذهبي من فوق.

  16. ما تفتحيش الفرن على الباستا فلورا قبل 15 دقيقة أهم شيء، بعد ما تخبزيها خرجيها من الفرن وأتركيها تبرد تماماً وبعدين طليعيها من الصينية.

  17. قطعي الباستا فلورا مثلثات زي البيتزا وقدميها وبالهنا والعافية.


طريقة عمل الباستا فلورا للشيف هبة ابو الخير، بطريقة سهلة ومكونات إقتصادية وبسيطة ومتاحة في كل بيت، وفي أقل وقت، في الوصفة دي ممكن نستبدل الزبدة بالسمنة أو نستخدم زبدة على زيت أو سمنة على زيت، إستخدمت مقادير الباستا فلورا بالكوب في الوصفة، والمقادير بالجرام موجودة أيضاً.

مقادير الباستا فلورا بالجرام

  • 112 جرام سكر أبيض ناعم.
  • 200 جرام زبدة أو سمنه او زبدة علي زيت أو سمنه علي زيت.
  • 2 حبة بيض.
  • 407 جرام دقيق.
  • 10 جرام بيكنج بودر.
  • 3 جرام ملح.
  • 8 جرام فانيليا.

بواسطة : نسمة طاهر    2023-09-20 14:35:27

تعليق وتقييم (0)

تقييم الوصفة