كيف أكون ست بيت شاطرة

كيف أكون ست بيت شاطرة
بواسطة : نسمة طاهر

2022-06-04 12:57:49

 مشاهدة
كيف أكون ست بيت شاطرة

كيف أكون ست بيت شاطرة

دائماً نفسك تكوني ست بيت شاطرة قادرة أنها تواجه البقع الصعبة أو المشاكل في التنظيف أو في البيت عموماً، واللي بتجربي معاها كل الطرق العادية والتقليدية ومبتوصليش لأي نتيجة. اللي متعرفهوش أن فيه مواد في بيتك لها فاعلية في استخدامات تانية كتير غير الاستخدامات المخصصة لها، وعمرها حتى ما كانت تخطر على بالك.

8 حيل وأفكار لتكوني ست بيت شاطرة

ونقدم لك في هذا المقال 8 حيل وأفكار لاستغلال المواد الموجودة في بيتك في حل المشكلات الكتير اللي بتواجهك، واللي هتخليكي ست بيت شاطرة بجد وهي:

  1. المايونيز
    البقع المدورة على الترابيزات الخشب الناتجة عن كوبايات الشاي أو المياه ممكن تزيليها بكل سهولة باستخدام المايونيز.

  2. ورق الفويل
    غلفي نهاية الموز بورق الفويل عشان تخليه يقعد في بيتك 5 أو 6 أيام من غير ما يفسد.

  3. معجون الأسنان
    تقدري تستخدمي معجون الأسنان في إزالة الألوان وبقع الدهانات من على الأرضيات الخشبية بكل سهولة، ومن غير ما تسيب أي  أثر. حطي معجون الأسنان على بقعة الدهان وافركيها كويس بقطعة قماش.

  4. الروج
    لو اتعورتي وأنتي بتعملي شغل البيت تقدري توقفي الدم وترطبي الجرح بوضع الروج أو مرطب الشفايف على الجرح.

  5. المناديل المبللة
    بقع المكياج على الملابس ممكن تشيليها بكل سهولة باستخدام المناديل المبللة أو باستخدام مزيل المكياج، أهم حاجة أنك تمسحي البقعة بالمنايل المبللة والملابس جافة قبل الغسيل.

  6. الطباشير
    لو عايزة تتخلصي من الروائح الغريبة اللي موجودة في هدومك، استخدمي قطع طباشير وحطيها في كيس وعلقيها على الشماعة مع هدومك، وهتشوفي إزاي الروائح هتختفي منها.

  7. الزنجبيل
    استخدمي الزنجبيل عشان تنظفي به حنفية المياه والدش من الرواسب الموجودة فيها، وعشان ترجع تلمع من جديد. كل اللي عليكي تعمليه أنك تجيبي كيس وتحطي فيه المياه والزنجبيل، ولفي الكيس ده حوالين الحنفية واقفليه عليها كويس لمدة نصف ساعة، وامسحيها بعد كدة بقطعة قماش جافة، وهتحسي بفرق كبير يا أحلى ست بيت.

  8. عين الجمل
    لو عندك خدوش وخرابيش على الخشب، تقدري تستخدمي ثمرة عين جمل عشان تتخلصي منها، وتخلي سطح الخشب يلمع من تاني. هاتي ثمرة عين جمل، وافركي بها الجزء اللي عليه الخدوش، هتلاقيها اختفت تماماً، والخشب هيرجع يلمع زي ما كان جديد بالظبط.

تصنيفات ذات صلة

تعليقات (0)