وتبغي رضاي الحين ماعاد يمديك

في قسم الشعر من ست بيت نٌقدم لكم قصيدة ماعاد يمديك، وهي قصيدة للشاعر محمد بن فطيس وتشتهر تلك القصيدة أيضاً بــ تدري وش ابيض من خفوقك عباتك.

وتبغي رضاي الحين ماعاد يمديك

قصيده لمحمد فطيس تدري وش ابيض من خفوقك عباتك 

الله يجازي...من يسوّي سواتك
وبذنوب من سوّى سواتك..يجازيك
مشيت درب الثقل..وتحبّ ذاتك
ما تدري إنه..للمهالك يوديك
وغرّك جمالك..يا خسارة حلاتك
 ما تدري..إن ما غير طبعك يحليك
بتقول زينك..يشفع لسيئاتك
 الحسن ما هو عن وفاء الحب يعفيك
لو التواضع والوفاء من سماتك.
بعت الحبايب كلهم دين وأشريك.
لكن عجزت أغيرك .يا جراتك .
على الغياب اللي بلا عذر ينجيك .
خطاي في توضيح وشّي غلاتك
وخطاك في توضيح وشّو تغليك
وشلون توصيني وتنسى وصاتك؟
وتصدّ عن صوت(ن) تقطّع يناديك.
ما فاتك التجريح والعذر فاتك.
وتبغي رضاي الحين؟ ما عاد يمديك.
صحيح أحبّك.بس هذي جزاتك.
بعلمك درس(ن) يفيدك ويحييك.
تدري وش أبيض من خفوقك عباتك!.
وتدري وش اللي غرني نظرتي فيك.
أدري بتستغرب تصبّر وجاتك.
قصيدة من واحد (كان) يبغيك .
وتبغي تناظر وأنت عايش مماتك.
 شف وحدتك والناس تجلس حواليك.
وتبغي تشوف أشجع رجل في حياتك.
شفني وأنا راحل على كثر ما أغليك .


وتبغي رضاي الحين ماعاد يمديك
بواسطة : نسمة طاهر

2024-05-04 16:08:46

314

 مشاهدة
تصنيفات ذات صلة

تعليقات (0)