طريقة عمل التيراميسو منال العالم

1. ننخل الدقيق مع البيكينج بودر والبيكينج صودا والملح ونتركهم جانباً، نخلط الزبده واللبن مع بعض على نار هادئه لحد ما الزبده تذوب.

2. نخفق البيض على أعلى سرعه لمدة دقيقه ونضيف السكر بالتدريج، نستمر في الخفق لحد ما يتضاعف حجمه ثلاث مرات، حوالي 5 دقائق تقريبا وبعدين نضيف الفانيليا ونخلي السرعه متوسطه.

3. نضيف خليط اللبن الدافي في خليط البيض ونخفق على اقل سرعه، ثم نضيف خليط الدقيق بالتدريج ونستمر في الخفق لحد ماننزل بالخليط كله.

4. نقسم الخليط في قالبين مدهونين بزبده مع رشة دقيق ونخبزه لمدة 25 - 30 دقيقه في فرن ساخن على حرارة 180 مئوية.

5. نخرج قوالب الكيك ونسيبها تبرد ربع ساعه ونفك الجوانب بسكينه براحه خالص ونخرجهم من القالب، ونقسم كل كيك لطبقتين من المنتصف ونتركهم على جنب.

6. نعمل االشربات بـ كوبين اسبريسو سخن مع اربع ملاعق كبيره سكر بودره وبعدين نركنه.

7. نحضر طبق عميق كبير ونخلط جبنة المسكربون والسكر والفانيليا لحد ما الخليط يبقا ناعم جداً.

8. نخفق الكريمه لحد ما حجمها يتضاعف وتتقل معانا، وبعدين نضيفها لخليط المسكربون ونقلب بمعلقه خشب.

9. نسقي طبقات الكيك بسيرب الاسبريسو ونفرد كميه بسيطه من الحشو بين الطبقات ونجمع الطبقات على بعض.

10. نسقي الوش بالشربات ونفرد باقي كمية الحشو على الوش والجوانب، ثم نرش الكاكاو على الكيك، ثم ندخل الكيك في التلاجه 6 ساعات قبل التقديم، وبالهنا والعافية.

مطبخ ست بيت قدم واحدة من طرق عمل الكيك اللذيذة، طريقة عمل التراميسو للشيف منال العالم، بمكونات متوفرة في كل بيت تعرفنا على طريقة تحضير كيكة التراميسو بكل سهولة في البيت.

طريقة جبنة المسكربون في البيت.

السعرات الحرارية فى التيراميسو كيك

• في هذه الحلوى تحتوى الحصة الواحدة من التيراميسو كيك (100 جرام) على 160 سعرة حرارية.