طريقة عمل تيراميسو كيك

1. نسخن الفرن على 180 درجه.

2. ننخل الدقيق مع البيكينج بودر والبيكينج صودا والملح ونركنهم على جنب.

3. نخلط الزبده واللبن مع بعض على نار هاديه لحد ما الزبده تدوب، بس مش هنخليه يغلي.

4. هنخفق البيض على اعلى سرعه لمدة دقيقه ونضيف السكر بالتدريج.

5. ونستمر في الخفق لحد ما يتضاعف حجمه ٣ مرات، حوالي 5 دقايق تقريبا وبعدين نضيف الفانيليا ونخلي السرعه متوسطه.

6. نضيف خليط اللبن الدافي في خليط البيض ونخفق على اقل سرعه.

7. وبعدين نضيف خليط الدقيق بالتدريج ونستمر في الخفق لحد ماننزل بالخليط كله.

8. نقسم الخليط في قالبين مدهونين بزبده مع رشة دقيق ونخبزه لمدة 25 - 30 دقيقه.

9. بعد ما نتأكد من سوا الكيك نوارب باب الفرن ونسيبهم جوا الفرن وهو مطفي 10 دقايق.

10. وبعدين نخرج قوالب الكيك ونسيبها تبرد ربع ساعه ونفك الجوانب بسكينه براحه خالص ونخرجهم من القالب.

11. ونبدأ في تقسيم كل كيك لطبقتين من المنتصف وبعدين نسيبهم على جنب.

12. ونعمل السيرب (الشربات) بـ 2 كوب اسبريسو سخن مع 4 معلقه كبيره سكر بودره وبعدين نركنه.

13. نحضر طبق عميق كبير ونخلط جبنة المسكربون والسكر والفانيليا لحد ما الخليط يبقا ناعم جداً.

14. نخفق الكريمه لحد ما حجمها يتضاعف وتتقل معانا، وبعدين نضيفها لخليط المسكربون ونقلب بمعلقه خشب.

15. نسقي طبقات الكيك بسيرب الاسبريسو ونفرد كميه بسيطه من الحشو بين الطبقات ونجمع الطبقات على بعض.

16. نسقي الوش بالسيرب ونفرد باقي كمية الحشو على الوش والجوانب.

17. نرش الكاكاو على الكيك.

18. لازم نسيب الكيك في التلاجه 6 ساعات قبل التقديم. وبالهنا والعافية.

السعرات الحرارية فى التيراميسو كيك

في هذه الحلوى تحتوى الحصة الواحدة من التيراميسو كيك (100 جرام) على 160 سعرة حرارية.

• نقدم لكم ايضا طريقة جبنة المسكربون والسكر من موقع ست بيت.