طريقة عمل نجرسكو نادية السيد

1. في طبق، نضع قطع صدور الدجاج ونتبلها بالفلفل الأسود.

2. في طاسة على النار، نضع قطعة زبدة مع شوية زيت ونشوح قطع االفراخ، لحد ما الفراخ تتحمر وتأخذ لون ذهبي جميل، نطلع الفراخ في طبق.

3. ننزل بالمشروم في نفس الطاسة على بقايا الزبدة والزيت، ونشوح كوبين من المشروم تقريباً.

4. في حلة على النار، فيها ماء مغلي ورشة ملح، نضع المكرونة الفتوتشيني (مكرونة شرايط) ونسلقها، ومتسويش المكرونة سوى كامل لازم تكون ناقصة ربع سوا، نطلع المكرونة نصفيها ونخليها على جنب.

5. في حلة تانية، نضع ملعقة من الزبدة على النار، مع شوية زيت، نضيف 4 ملاعق من الدقيق، ونضيف كوبين ونصف من الحليب، ونقلب.

6. أول ما قوام البشاميل يتقل، ننزل بالفراخ في البشاميل ونقلب، ونتركها تغلي غلوة واحدة.

7. أنزلي بالموتزاريلا وقلبيها مع الفراخ والبشاميل، وضيفي الكريمة وقلبي.

8. في نفس الحلة، نضيف المشروم والزيتون المخلي على الكريمة والفراخ ونقلبهم كويس، وبعدين ننزل بالمكرونة ونقلب وبعدين نضيف رشة من الفلفل الأسود.

9. في الصينية البايركس، نصب خليط المكرونة ونساويها في الصينية، ونرش كمية من الجبنة الموتزاريلا على وش الصينية، ونسيقها بالقليل من الحليب.

10. ندخل المكرونة النجرسكو في الفرن على درجة حرارة 180 درجة لمدة قصيرة، يدوب تبدأ تغلى وتطلع فقاعات كدا ونولع عليها من فوق عشان تاخذ لون ذهبي من ونخرجها. 

11. قدمي النجرسكو بالدجاج ساخنة وبالهنا والعافية.

طريقة عمل النجرسكو نادية السيد، مطبخ ست بيت يقدم لكٍ طريقة تحضير المكرونة النجرسكو بالفراخ بطريقة الشيف نادية السيد بخطوات سهلة وسريعة، وسر نجاح النجرسكو بكل تكاته، لا تنسوا مشاركة تطبيقاتكم لوصفة النجرسكو الرهيب علي طريقه المطاعم لازم تجربوها مكرونه بالفراخ والصلصه معنا من خلال التعليقات أسفل الوصفة.

نصائح الشيف نادية لنجاح النجرسكو

• بديل الكريمه 12 مكعب كيري مع كوبين حليب فى الخلاط.
• لو المشروم المٌستخدم في الوصفة مٌعلبة هتشوحيه تشويحة بسيطة لانه مش هيغيب في السوا.
• إستخدام الفلفل الأسود ضروري جداً في نجاج النجرسكو، تبلوا الفراخ بفلفل أسود كتير.
• لو صوص البشاميل تقيل ممكن تخفيه بشوية حليب، وكتروا الصوص على قد ما تقدروا.