طريقة عمل كباب حلة

274

90 دقائق

إضافة للمفضلات
الكتير مننا بيحاول يتجنب طبخ أى لحوم بأعتقاد أنها بتاخد وقت كبير فى التسوية وكمان الطعم ممكن ميطلعش زى ما هم حابيين , الفكرة دى هتتغير النهاردة مع ست بيت وهى بتعرفكم طريقة عمل كباب الحلة بأسهل وأسرع طريقة وطعمه ولا أروع , تعالو يلا نعرف الطريقة والمقادير فى الخطوات اللى جاية ..

المقادير



  • نص كليو لحمه ضانى (أختيارى ويكون مزاقه أحلى).

  • معلقه سمنه.

  • ٤ بصلات.

  • طماطم منقطعه مكعبات.

  • ملح وفلفل اسود.

  • توابل لحمه.

  • حبهان بودرة.

  • قرفه.

  • جوزه الطيب.


الطريقة



  1. نص كيلو لحمه مقطع مكعبات تشوحيها كويس فى معلقه سمنه.

  2. وبعدين تضيفى عليها ٤ بصلات مقطعه جوانح.

  3. وتشوحيهم مع بعض لحد مالبصل يبدأ يدبل.

  4. زودى عليهم طماطمايه مقطعه مكعبات صغيره ومعلقه صلصه.

  5. وظبطى الملح وفلفل اسود وتوابل لحمه وحبهان بودره وقرفه وجوزه الطيب ورقه لورا.

  6. وتشوخيهم كويس علي النار.

  7. وبعدين تزودى عليهم ماء ساخن.

  8. وتتركيهم على النار لحد ما يستووا.

  9. وبعدها نحطها ف طاجن وندخلها الفرن ١٠ دقايق.

  10. وبالهنا والعافية.


بواسطة : صفا محمد    منذ أسبوعين