طريقة عمل صوابع زينب ناديه السيد

1. أولاً  شربات صوابع زينب، ضعي خمس اكواب من السكر، كوبين ونصف من الماء، نصف كوب من العسل الأبيض أو عسل الجلوكوز، في إناء، ونرفعه على نار، وأتركي الخليط بدون تقليب لحد ما يبدأ يغلي.

2. أول ما خليط الشربات يبدأ يغلي قلبيه بهدوء، وضييفي عليه عصير نصف ليمونة، أو ربع ملعقة صغيرة من ملح الليمون، واتركيه يغلي لمدة عشر دقائق، حتى يغلظ قوامه.

3. اسكبي الشربات في إناء زجاجي، وخليه يبرد تماماً، ودخليه الثلاجة لمدة ساعتين او ثلاث ساعات.

4. لتحضير عجينة اصابع زينب، في وعاء، ضعي ثلاث أكواب من الدقيق العادي، كوب من السميد الناعم أو دقيق البسبوسه أو دقيق السيمولينا، ملعقة كبيرة من السكر، نصف ملعقة من الخميرة، نصف ملعقه صغيره من الملح، ملعقه صغيره ينسون مطحون او محلب للنكهه إختياري، وقلبي المكونات الجافة مع بعضها كويس.

5. ضيفي كوب الا ربع من السمنة السايحة أو الذائبة، وضيفيها للمكونات الجافة، وقلبي المكونات كلها مع بعض، وبعدين أفركي الخليط باليدين جيداً، تفركي لحد ما الدقيق والسميد يتغلفوا بالسمنة كويس.

6. ضيفي كوب من الماء بالتدريج وأعجني الخليط، وعلى حسب قوام العجين ممكن نحتاج من كوب لكوب وربع ماء.

7. لمي العجينة ونغطيها بفوطة مبلولة لمدة خمس دقائق، وبعدين حطي العجين في قالب لتسهيل تقطيعها لقطع متساوية.

8. بعد تقطيع العجينة نفضل مغطينها بالفوطة ونبدأ في تشكيل صوابع زينب، بالطريقة التقليدية بإستخدام بصامة الكعك، نفرد العجينة، ونلمها او نسحبها من فوق مرة أخرى، ونقفلها كويس جداً عشان متفكش في الزيت.

9. في طاسة فيها زيت غزير، الزيت يكون حامي أو سخن، ودي تريكاية مهمة عشان العجينة متفكش في الزيت، تقلي صوابع زينب لحد ما تاخد اللون الذهبي الغامق.

10. تخرجيها من الزيت، ونحطها في الشربات الساقع ولازم يكون ساقع تماماً، نقلبها تقليبة في الشربات ونطلعها في مصفاه، لحد ما الشربات يتصفى.

11. رجعيها في الشربات كمان مرة وتقليبها وتخرج نرصها في صينية وبعدين نحطها في طبق التقديم ونزينها بشوية فستق وبالهنا والعافية.

طريقة عمل صوابع زينب ناديه السيد، ألذ واحلى صوابع زينب هعمليها مع السيف نادية السيد، بمكونات بسيطة وطريقة سهلة وبسيطة حضري ألذ أصابع زينب.