شوربه السي فود

12

20 دقائق

المقدير:

ربع كيلو جمبري

ربع كيلو سبيط

ربع كيلو سمك قشر بياض

قشر الجمبري

١ بصلة متوسطة الحجم مفرومة

١ جزرة متوسطة الحجم مفرومة

٦ أكواب ماء(١٢٠٠ مل)

٤ ملاعق كبار زيت

ربع كوب دقيق(٥٠ جم)

٦ أكواب حليب(١٢٠٠ مل)

ملح

 

الطريقة:

أول حاجة الجمبري لازم نشيل منه الكيس الرملي من الضهر، بنجيب قشر الجمبري ونحطه ع النار مع ٦ أكواب مياه( ١٢٠٠ مل) وملح ونسيبه يغلي من خمس لسبع دقايق كدا عشان يعملي شوربة هنستخدمها في عمل السي فود والخطوة دي اهم خطوة وهي اللي بتدي السي فود الطعم الجميل دا، بعدين هنصفي الشوربة دي في حلة ونحط الجزر والبصل ع النار وننزل اول حاجة بالسبيط يغلي لمدة ٤ دقائق وبعدين ننزل بالسمك الفليه يغلي لمدة ٤ دقائق وبعدين ننزل بالجمبري يغلي لمدة ٣ دقائق ونطفي لحد اما نجهز البشاميل، في حلة تانية هنحط الزيت والدقيق ونقلب لحد اما يكون خليط او عجين كدا بعدين ننزل عليه باللبن بالتدريج مع التقليب السريع وبعدين نضربه كويس بالهاند بليندر او في الخلاط ونسيبه يغلي لحد اما قوامه يبقي سميك ونحطه علي شوربة السي فود اللي محضرينها ونسيبها ع النار لحد اما تغلي ونطفي وبالهنا والشفا ❤️

*ملحوظة *

سر طعم شوربة السي فود الجميل والكريمي بدون كريمة الطهي هي خطوة شوربة قشر الجمبري اللي بتدي النكهة القوية بتاعة السي فود واحنا مستخدمين اللبن والدقيق 🌸

أنا بجيب الجمبري من غير قشر والقشر بتاعه بستخدمه في خطوة الشوربة

بواسطة: صفا محمد منذ شهر

التعليقات (1)

Khayrat Elgendy منذ أسبوع

جميله

من فضلك قم بالتسجيل لأضافة تعليق