طريقة عمل البيتزا بمكونين أتنين بس

البيتزا  بمكونين أتنين بس

160

30 دقائق

البيتزا هي أكلة تعود أصولها إلى دول شرق البحر الأبيض المتوسط مثل اليونان وتركيا ، ثم أخذها عنهم الجنود الإيطاليين لينقلوها إلى إيطاليا  ثم نقلها المهاجرون الإيطاليون إلى أمريكا، وأصبحت معروفة عالميًا، وتعد البيتزا من الوجبات الرئيسية كما يمكن أن تعد من المقبلات.
تتكون البيتزا التقليدية من العجين والصلصة والطماطم والجبن وأحياناً تحتوي على لحم مفروم أو دجاج، تعالوا نعرف سوا طريقة عمل البيتزا  بمكونين أتنين بس وأسرارها مع موقع ست بيت ..

البيتزا دى بمكونين ٢ بس ! من غييير بيض ، حليب ، زيت ، ولا زبده ، سكر و لا خميره 😅 خمنوااا معموله ب أيه و عدد السعرات ف القطعه الواحده كام عشان هتتصدموا من المفجأه💪🏻❤️🍕 ..


المكونين



  • دقيق قمح كامل (ذاتى الاختمار).

  • زبادى.

  • ملحوظة :ممكن تستخدموا اى نوع دقيق موجود عندكوا سواء صحى او دقيق ابيض عادى و نخط معاه معلقه صغيره بيكنج باودر.


الطريقه



  1. هنحط كوبايه و نص من الدقيق عليها كوبايه زبادى و نعجن مع بعض كويس.

  2. لو حسيتوا العجينه ناشفه ممكن تزودوا شويه مياه صغيرين لحد ما تلم معاكو.

  3. بهد ما نعجنها هنكورها و نغطيها.

  4. و نسيبها ترتاح ٢٠ دقيقه عشان تكون سهله معانا وهى بتتفرد.

  5. بعدين نفردها بالنشابه على مقاس الصينيه بتاعتنا.

  6. و تلف الاطراف شويه عشان تدينا الشكل دا فى الاخر و ممكن تحطوا عليها اى حاجه انتوا عايزنها.

  7. انا حطيب صلصه بيتزا جاهزه و جبنه موتزريلا لايت و سبانخ.

  8. عدد السعرات ف قطعه البيتزا الواحده اقل من ١٠٠ سعره يعنى حوالى ٨٥ طبعا بتخلف شوية على حسب المنتجات اللى هتستخدموها.

  9. عدد السعرات فى قطعه البيتزا للعادى الجاهزه بتبدأ من ٣٠٠ سعره.


بواسطة : لين مصطفى    منذ شهر