أيس كريم بيتى بثمانية نكهات مختلفة

وصفة مصرية  /  أيس كريم
أيس كريم بيتى بثمانية نكهات مختلفة

أيس كريم بيتى بثمانية نكهات مختلفة

الايس كريم الاقتصادي من غير لين مكثف و كريمه خفق و بيطلع كميه كبيره جدااا
الطريقه :
الفاكهه بجيب نص كيلو اي نوع فاكهه انا عملت فراوله ومانجه و اضربها اخليها ناعمه خالص بس متنزلش اي ميه و بحط عليها اربع معالق كريم شانتيه خام و 3 معالق سكر بودره خام و علبه زبادي و معلقه عسل نحل او عسل كلوكوز و اضرب كلو مع بعضو و بس كده
بتاع الفانليا و شيكولاته و ممكن تحطي اي حاجه تحبيها
بجيب كيلو لبن و عليه 11 معلقه كريم شانتيه خام و ٧ معالق سكر بودره و ٤ معالق مليانه لبن بودره و تضربي لحد لما الخليط يبقي كريمي كده مش متماسك و يعلي معاكي و بقسمهم الكميه دي بطلع معايا ٤ علب متوسطه كده بتاخد كميه حلوه يعني و بحط بقي كيس فانليا و يبقي كده تمام و بحط الشيكولاته عليها معلقتين كاكاو نسكويك و معلقتين نوتيلا او علبتين دانيت و عملت لوتس حطيت معلقتين زبده لوتس و كسرت بسكوتين كده و حطيتهم و عملت بالفستق تحنطو و حطيب معلقتين و لون عشان يديني اللون الاخضر و عملت بالموكا حطيب معلقتين نسكافيه موكا و معلقه كاكاو نسكويك
الاخضر اوي ده بقي ليمون جبت نص كوبايه لبن ونص كوبايه كريم شانتيه خام و ضربتهم و في طبق تاني حطيب كوبايه لبن عليه نص كوبايه عسل كلوكوز او عسل نحل و دوبتو في اللبن و حطيتو علي الكريم شانتيه بعد ما ضربتو و حطيت عليه ربع كوبايه ليمون معصر صافي من غير ميه او سكر و اضربهم و حطيت اللون الاخضر و الاصفر عشان يبقي لموني

1 تعليقات

    •    Sasa |
      منذ 5 أيام

      ممتازة جدا تسلم أيديك

من فضلك قم بالتسجيل لأضافة تعليق